जापानको एक अस्पतालमा गत अक्टोबरमा जन्मिएको विश्वकै सबैभन्दा कम तौलको बालकलाई अस्पतालबाट डिस्चार्ज गर्न लागिएको जापानी चिकित्सकहरूले बताएका छन्।

ती बालक जन्मदा २२ सेन्टिमिटर अग्ला थिए अर्थात् स्याउको आकारका थिए। रिउसुके सेकिया नाम राखिएका ती बालककी आमा तोशिकामा उच्च रक्तचापकी बिरामी थिइन्।

चिकित्सकहरूले तोशिकाको २४ हप्ता पाँच दिनको गर्भबाट सफलतापूर्वक सिजेरियन गरी ती बालकलाई जन्म दिएका थिए। गत अक्टोबर १, २०१८ का दिन जन्मेका ती बालकको तौल जन्मदा २५८ ग्राममात्र थियो।

जापानमा यो दोस्रो अनौठो घटना हो। यसअघि अघिल्लो वर्ष जापानमै जन्मिएका अर्का एक बालकको तौल २६८ ग्राम थियो। ती बालकलाई गत फेब्रुअरीमा अस्पतालबाट डिस्चार्ज गरिएको थियो।

अस्पतालको इन्टेन्सिभ केयरमा सात महिना राखेपछि रेयुसुकेको तौल १३ गुणा बढेको थियो। अहिले ती बालकको तौल ३ किलोग्रामभन्दा बढी भइसकेको छ। ती बच्चालाई जापानको नागानो बाल अस्पतालबाट डिस्चार्ज गर्ने तयारी गरिएको छ।

जन्मिदा बच्चा यति सानो थियो कि छुँदै भाँच्चिएला जस्तो लाग्थ्यो। मलाई त अति डर लाग्ने आमा तोशिकाले बताइन्।      ‘अहिले ऊ दूध पिउँछ । हामीले उसलाई नुहाइदिन थालेका छौं । मलाई अति खुशी लागेको छ,’ उनले भनिन्।

विश्वमै सबैभन्दा कम तौलकी बालिका सन् २०१५ मा जर्मनीमा जन्मिएकी थिइन्। जन्मिदा उनको तौल २५२ ग्राम मात्र थियो।     अति साना बालबच्चाको बाँच्ने दर केटीहरूको भन्दा केटाहरूको कम हुने गर्दछ।


सम्बन्धित समाचारहरू

– काम लागि जापान जान चाहनेहरूले जान्नैपर्ने कुराहरू
– जापान रोजगारी : पहिलो प्राथमिकतामा केयर गिभर र क्लिनिङ
– यी हुन् जापानी भाषा सिक्ने पाँच प्रभावकारी सूत्र 

Leave a Reply