काठमाडौं : नेपाली महिलाको महान पर्व तिज नजिकिदै गर्दा चर्चित गायिका मेलिना राईको आवाजमा ‘नाच दिदी बहिनी’ गीतको भिडियो सार्वजनिक भएको छ । ड्रिम्स गेट इन्टरटेन्मेन्टको आधिकारीक युट्युव च्यानलबाट शुक्रबार तीज गीत सार्वजनिक भएको हो ।

तीज गीतमा चर्चित मोडल अञ्जली अधिकारी प्रहरी जवानको भूमिकामा देखिएकी छन् । अरु सारा दिदी बहिनी तीजमा रमाउँदै गर्दा प्रहरी दिदीबहिनी सुरक्षामा खट्छन् भन्ने भावको गीतमा प्रहरीको जिम्मेवारीसहितको सन्देश दिन खोजिएको छ । नेपाल प्रहरीको पोशाकमा अञ्जलीको सुन्दरता थप खुलेको छ ।

गीतको भिडियोमा अञ्जलीको साथमा जुम्ल्याहा दिदीबहिनी नविता, कविता र कैलाशको अभिनय हेर्न सकिन्छ ।

कैलाश रोकाहाको शब्द संगीत रहेको गीतमा बिनय कार्की क्षेत्रीको संगीत संयोजन छ । दीपक गिरीको छायांकन, अनिश खत्रीको नृत्य निर्देशन रहेको गीतको दृश्य सम्पादन गिरीश रीजालले गरेका हुन् । गौरव गिरीको निर्देशनमा गीतको भिडियो हेर्न लायक बनेको छ ।

Leave a Reply

Your email address will not be published. Required fields are marked *